Oratio Imperata for Vocations

ORATIO IMPERATA PARA BOKASYON ED INKAPARI
 
in the Archdiocese of Lingayen Dagupan to be prayed BEFORE the Post Communion Prayer IN ALL MASSES from December 1 to 31, 2019.
 
Lider: Ontalimokor tayon mandasal para bokasyon.
 
Katawan a Jesus, tinawag Mo ray unaan ya disipulo pian pagmaliwen Mo ran sumisigay na too. Itultuloy Mon iparengel lamet so masamit a tawag Mo, “Gala tumbok kad siak” ed saray kalangweran na Simbaan Mo ed Lingayen-Dagupan.  Ed  balang pikakasi, say ebat tayo:
 
Mangibaki kad Simbaan Mod Lingayen-Dagupan na masanton papari.
 
Iter mod saray kalangweran a lalaki so grasyan tampol ya panebat ed say tawag Mo, kekerewen mid Sika, Katawan.  Ebat.

Pabiskeg Mo so Arsobispo mi, papari tan saray Religioso ed saray apostolikan kimey da, kekerewen mid Sika, Katawan.  Ebat.
 
Iter Moy seet ed saray seminarista tayo ya mangaawat na panagasikaso ed inkapari, manpipikasi kami Katawan.  Ebat.
 
Paliub mod kada pamilya so twan panangaro para bokasyon ed inkapari, kekerewen mid Sika, Katawan.  Ebat.
 
Agmo abuloyan ya nalenes tan ompatey so pananisia mi lapud say kinaraiset na papari tan kakulangan na kumikimey ed ubasan Mo, kekerewen mid Sika, Katawan.  Ebat.
 
Ibaan Mo kamin manumpal na pamaalagey na  library tan dormitorio na Mary Help of Christians Theology Seminary diad say pantanguyor Mod saray mabonlok ya manangiter, kekerewen Mid Sika,Katawan.  Ebat.
 
Mandasal tayo.
 
Maria, Ina na saray Papari, Tulong daray Cristiano, tulongan mo ray kalangweran a lalaki ya onebat na “On” ed si Jesus ya Anak Mo. Lakap Moy amin a seminarista tan papari ed Arkidiosis na Lingayen-Dagupan na panagasikaso tan panangiyagel na sakey ya Ina. A, mapangasi, A mapangaro, A makaramban, Marian Birhen lawas! Amen.